CONSORCIO SMART COMMUNITY ARUBA ESTABLECI
Diabierna ultimo, 14 di februari, a keda firma e Acuerdo di Cooperacion Smart Community Aruba. E ceremonia di firmamento a tuma luga na Dr. Edward Cheung Center for Innovation y ta encera fundacion di un consorcio cu den e proximo cinco añanan ta bay concentra su mes riba desaroyo, test y demostracion di solucionnan duradero na Aruba. E partnernan cu ta participa den e consorcio aki ta: Pais Aruba, FCCA, Utilities Aruba NV, WEB Aruba NV, NV ELMAR, SETAR NV y Caribbean Branch Office TNO.
Smart Community Aruba ta un comunidad experimental consistiendo di 20 cas na Aruba enfoca riba biba di un manera sostenibel. Smart Community lo sirbi como plataforma di un escala chikito pa desaroya, test y demostra solucionnan duradero cu ta cuadra cu e circunstancianan climatologico Caribense. E meta principal ta pa desaroya conocemento den relacion solucionnan tecnologico riba escala y modelonan comercial cu por wordo implementa na Aruba y nos region den un fase posterior.
Areanan di investigacion
E areanan di investigacion en cuestion ta: tecnologianan pa ta spaar energia den construccion di vivienda, generacion descentralisa di energia procedente di solo y biento, integracion di energia duradero den rednan di coriente inteligente (e asina yama “Smart Grids”), procesamento y re-uzo di awa y transporte di electricidad pa consumidornan. Finalmente ta enfoca riba aspectonan humano manera e comportacion di e habitantenan y con nan ta integra di uzo di tecnologia duradero den nan bida diario.
Un Plataforma habri
Na mesun momento Smart Community Aruba lo ofrece un Plataforma Habri di Innovacion na empresanan local y internacional y institutonan di investigacion cu kier test nan innovacionnan y cu posiblemente kier establece nan mes na Aruba. Via di e Plataforma Habri di Innovacion nan lo por haci uzo di e facilidadnan di investigacion den e Smart Community Aruba. Pa Aruba esaki ta nifica un estimulo pa e desaroyo adicional di un di tres pilar economico.
Despues di firmamento di e Acuerdo di Cooperacion entre e partnernan di e consorcio, a tuma luga firmamento di e acta di erfpacht entre Pais Aruba y FCCA pa traspaso di e tereno na Kibaima.
Cu firmamento di e Acuerdo di Cooperacion a duna e señal di inicio pa construccion di e bario duradero. Ta calcula cu e construccion lo tuma un poco mas cu un aña.
